काठमाडौं । भारत प्रशासित जम्मु कश्मिरमा आज पनि ‘ब्ल्याकआउट’ गरिएको छ ।
सामाजिक सञ्जाल प्लेटफर्म एक्समा जम्मु कश्मीरका मुख्यमन्त्री उमर अब्दुल्लाहले कश्मिरमा ‘ब्ल्याकआउट’ गरिएको जानकारी गराएका हुन् ।
पाकिस्तानले आज पनि आक्रमण गर्ने जोखिमलाई ध्यानमा राख्दै कश्मिरमा ‘ब्ल्याकआउट’ गरिएको उनले बताए । उनले शहरभर साइरनको आवाज सुनिएको जानकारी दिए ।
उनले सामाजिक सञ्जालमा लखेको छन्, ‘आज पनि जम्मुमा ब्ल्याकआउट गरिएको छ । साइरनको आवाज पनि शहरभरि सुन्न सकिन्छ । त्यहाँ मानिसहरुलाई घरमै बस्न आग्रह गरिएको छ ।'
बिहीबार राति पाकिस्तानले आक्रमण गरेपछि सिमाव्रती जिल्लाहरुमा ‘ब्ल्याकआउट’ गरिएको थियो ।