एजेन्सी । पाकिस्तानले ‘अपरेसन बुन्यान मरसुस’ अन्तर्गत भारतको पञ्जाबको सैन्य केन्द्रहरूमा आक्रमण गरेको छ ।
पाकिस्तानी सेनाको दाबी अनुसा भारतको पंजाब प्रदेशको बियासमा रहेको ब्रह्मोस मिसाइल भण्डारण केन्द्र नष्ट गरिएको हो ।
भारतीय सैन्य सुविधाहरूमा प्रहार गर्नका लागि फतह–१ मध्यम दूरीको मिसाइल प्रणालीसहित धेरै सैन्य साधनहरू प्रयोग गरिएको बताइएको छ ।
ब्रह्मोस मिसाइलहरू सुपरसोनिक प्रकारको रहेका छन् । जसको अधिकतम प्रहार दूरी ८०० किलोमिटर (४९७ माइल) छ । यी मिसाइलहरू पनडुब्बी, जहाज, लडाकु विमानलगायत विभिन्न सैन्य यानबाट प्रक्षेपण गर्न सकिन्छ ।