Jun 22 2026 | २०८३, आषाढ ८ गते
22 Jun 2026 | सोमवार, आषाढ ८ गते २०८३
सोमवार, आषाढ ८ गते २०८३
Jun 22 2026 | २०८३, आषाढ ८ गते
22 Jun 2026 | सोमवार, आषाढ ८ गते २०८३
शुक्रवार , भाद्र ६, २०८२
काठमाडौं । नेकपा (माओवादी केन्द्र) का वरिष्ठ उपाध्यक्ष नारायणकाजी श्रेष्ठले देशमा विकास र समृद्धि प्रक्रिया तीव्र गतिमा अघि बढ्न नसक्नुको मूल कारण केवल राजनीतिक अस्थिरता मात्र नभई राज्यका अन्य अंगको पुनःसंरचना र रूपान्तरण नहुनु भएको बताएका छन् ।
शुक्रबार सामाजिक सञ्जालमार्फत उनले विशेषगरी न्यायपालिका गम्भीर संकटमा फसेको दाबी गरेका हुन् । उनले भने, “न्यायको खोजीमा अदालत पुगेको कुनै पनि नेपालीले सम्पर्क, पहुँच वा घुसविना न्याय पाउने अवस्था छैन।”
उनले अझ गम्भीर टिप्पणी गर्दै अदालतलाई अहिले राजनीतिक स्वार्थ, बदला र प्रतिशोध पूरा गर्ने औजारको रूपमा प्रयोग गरिएको बताए। परिणामस्वरूप निर्दोष नागरिकहरू जेलमा कोचिनुपर्ने, सम्पत्ति गुमाउनुपर्ने र न्यायबाट वञ्चित हुनुपर्ने अवस्था सिर्जना भएको उनले आरोप लगाए।
श्रेष्ठले न्यायपालिकामा रहेका जिम्मेवार पदाधिकारीलाई आफ्नो भूमिकाबारे गम्भीरतापूर्वक सोच्नुपर्ने आवश्यकता औंल्याए। उनका अनुसार, राज्यका अङ्गहरूको पुनःसंरचना र रूपान्तरण अब अपरिहार्य भइसकेको छ।
“तर त्यसका लागि त्यसअनुरूपको राजनीतिक नेतृत्व आवश्यक छ, र त्यसको आधार ‘सफा राजनीति’ हुनुपर्छ,” उनले भने ।
© 2026 All right reserved to onlinenepal.com
Design & Developed By
