संविधान असफल भए देशमा अकल्पनीय द्वन्द्व सुरु हुन्छ : गृहमन्त्री लेखक

अनलाइन नेपाल

आइतवार , भाद्र ८, २०८२

संविधान असफल भए देशमा अकल्पनीय द्वन्द्व सुरु हुन्छ : गृहमन्त्री लेखक

काठमाडौं । गृहमन्त्री रमेश लेखकले एउटा संविधान निर्माणको लागि २० वर्ष लाग्ने बताएका छन् । आज काठमाडौमा आयोजित एक कार्यक्रममा सम्बोधन गर्दै उनले यस्तो बताएका हुन् ।

उनले वर्तमान संविधान असफल भए देशमा अकल्पनीय द्वन्द्व सुरु हुने बताए ।

उनले भने- 'एउटा संविधान निर्माणको लागि २० वर्ष लाग्दो रहेछ । यो संविधानको असफलतापछि मुलुकमा उत्पन्न हुने द्वन्द्व, आज हामी द्वन्द्वको कुरा गर्दै छौँ, आजको द्वन्द्वको नेचर कस्तो छ भने हामी संघीयतामा छौँ। दुई पालिकाका बीचमा प्राकृतिक स्रोतका लागि द्वन्द्व छ । अधिकारको बाँडफाँडको लागि द्वन्द्व भइरहेको छ, आजको द्वन्द्व । तर, यदि संविधान असफल भयो भने अकल्पनीय द्वन्द्वहरू यो देशमा सुरु हुन्छ । जसले अब २० वर्षमा पनि संविधान बनाउन सक्ने स्थिति हुँदैन । त्यसकारण संविधानको रक्षा, यसको सुदृढीकरण, समयसापेक्ष संशोधन पनि म भन्न चाहन्छु । यही संविधानलाई बचाइराख्न पर्छ ।'

केही व्यक्ति संविधान असफल बनाउने षड्यन्त्रमा रहेको जिकिर गर्दै उनले यहि वर्तमान संविधानलाई नै बचाइराख्न आग्रह गरे।

प्रतिक्रिया दिनुहोस्

नयाँ अपडेट

थप नयाँ अपडेट

संविधान असफल भए देशमा अकल्पनीय द्वन्द्व सुरु हुन्छ : गृहमन्त्री लेखक