काठमाडौं । नेपाली कांग्रेसले ईश्वरी न्यौपानेलाई राज्य व्यवस्था तथा सुशासन समितिको सभापति बनाउने भएको छ ।
मंगलबार बिहान सभापति शेरबहादुर देउवाको निवासमा बसेको पदाधिकारी बैठकले न्यौपानेलाई सभापतिको उम्मेदवार बनाउने निर्णय गरेको हो । न्यौपाने सुनुवाई समितिकी सभापति थिइन् ।
रामहरी खतिवडालाई न्यौपानेको स्थानमा लैजाने तयारी भएको बताइएको छ । यस अगाडि खतिवडाले संघीय निजामती सेवा विधेयकमा कुलिङ पिरियड सम्बन्धी व्यवस्थामा गडबडी गरेको पाइएपछि विवादित बनेका थिए ।
उनले त्यसपछि सभापति पदबाट राजीनामा दिएका थिए । राज्य व्यवस्था तथा सुशासन समिति सभापतिमा आज मनोनयन दर्ता हुँदैछ ।