काठमाडौं । नेपाली कांग्रेसकी सांसद ईश्वरीदेवी न्यौपानेले संसदीय सुनुवाइ समिति (संयुक्त) को सभापति पदबाट राजीनामा दिएकी छन् ।
कांग्रेसले उनलाई प्रतिनिधिसभाको राज्यव्यवस्था तथा सुशासन समितिको सभापति बनाउने निर्णय गरेपछि न्यौपानेले आज सभामुख देवराज घिमिरेसमक्ष राजीनामा बुझाएकी हुन् ।
राज्यव्यवस्था समिति सभापति पदका लागि आज दिउँसो १ देखि ४ बजेसम्म उम्मेदवारी मनोनयनको समय तोकिएको छ ।
यसअघि कांग्रेस सांसद रामहरी खतिवडाले सो पदबाट राजीनामा दिएपछि रिक्त भएको उक्त पदमा बुधबार निर्वाचन हुने भएको छ ।