काठमाडौं । प्रधानमन्त्री केपी शर्मा ओली चीनमा जारी सांघाइ सहयोग संगठन (एससीओ) प्लस शिखर सम्मेलनको अवसरमा आयोजित विशेष स्वागत समारोहमा सहभागी भएका छन् ।
चीनका राष्ट्रपति सी चिनफिङ र उनकी धर्मपत्नी पेङ लियुआनले आइतबार बेलुकी बेइजिङमा आयोजना गरेको स्वागत समारोहमा प्रधानमन्त्री ओली, उनकी पत्नी राधिका शाक्यसहित सहभागी भएका हुन् ।
समारोहमा सम्मेलनमा सहभागी भएका विभिन्न राष्ट्रका प्रमुख तथा सरकार प्रमुखहरूको सामूहिक तस्बिर पनि खिचिएको थियो ।
अन्तर्राष्ट्रिय मञ्चमा नेपालको उपस्थिति मजबुत बनाउने उद्देश्यका साथ प्रधानमन्त्री ओलीले यसअघि पनि उच्चस्तरीय द्विपक्षीय भेटवार्ता र बहुपक्षीय कार्यक्रमहरूमा सक्रिय भूमिका निर्वाह गरेका छन् ।