एजेन्सी । अफगानिस्तानको दुर्गम दक्षिण-पूर्वी क्षेत्रमा गएराति फेरि ५.६ म्याग्निच्युडको भूकम्पको धक्का महसुस गरिएको छ ।
यो पछिल्लो ६ दिनमा महसुस गरिएको तेस्रो ठूलो भूकम्प हो । स्थानीय समय अनुसार बिहीबार राति ८ः५६ बजे भूकम्प गएको थियो ।
नान्गारहार र कुनार प्रान्तमा भूकम्पको धक्का महसुस भएपछि मानिसहरू आतंकित भएर आफ्नो आश्रयस्थलबाट बाहिर निस्किएका थिए ।
यद्यपि, बिहीबार राति आएको भूकम्पमा जनधनको क्षतिको कुनै आधिकारिक पुष्टि भएको छैन ।
यसअघिको भूकम्पमा मृत्यु हुनेको संख्या निरन्तर बढ्दै गएको छ ।