एजेन्सी । अमेरिकी राष्ट्रपति डोनाल्ड ट्रम्पले भेनेजुएलाका जेटहरू आफ्नो देशको नौसैनिक जहाजमाथि उडेर खतरनाक स्थितिमा पारेमा तिनीहरूलाई खसालिने चेतावनी दिएका छन् ।
दुई दिनमा दोस्रोपटक भेनेजुएलाले दक्षिण अमेरिकाको तटस्थित अमेरिकी जहाजनजिक सैन्य विमान उडाएपछि ट्रम्पले यस्तो चेतावनी दिएका हुन् ।
ट्रम्प प्रशासनका अधिकारीका अनुसार, हालै अमेरिकाले एउटा गिरोहद्वारा सञ्चालित भेनेजुएलाबाट आएको लागुऔषध बोकेको जहाजमाथि आक्रमण गर्दा ११ जनाको मृत्यु भएको थियो ।
भेनेजुएलाका राष्ट्रपति निकोलस मादुरोले आफ्नो देशमाथि लगाइएका अमेरिकी आरोप सत्य नभएको बताएका छन् ।