काठमाडौं । देशभर वर्षाको सम्भावना कायमै रहे पनि काठमाडौं उपत्यकासहित बागमती प्रदेशमा ठूलो वर्षाको संकट हटेको छ ।
जल तथा मौसम विज्ञान विभागका अनुसार पछिल्लो एक घण्टादेखि काठमाडौंमा वर्षा रोकिएको छ भने पानी पार्ने प्रणाली तुलनात्मक रूपमा कमजोर भएर उक्त प्रणाली कोशी प्रदेशतिर सरेको छ ।
काठमाडौं र बागमती प्रदेशमा ठूलो पानी पार्ने प्रणाली कमजोर भएकाले काठमाडौं उपत्यकामा वर्षा रोकिएको बताइएको छ ।
साथै यो प्रणाली आज दिउँसोदेखि पूर्ण रूपमा बागमती प्रदेशबाट बाहिरिने सम्भावना रहेको छ । वर्षा गराउने प्रणाली हाल कोशी प्रदेशमा केन्द्रित भएको छ ।