काठमाडौं । बानेश्वरस्थित राष्ट्रिय वाणिज्य बैंक लुटपाटमा संलग्न दुईजना पक्राउ परेका छन्।
२४ भदौमा भएको जेनजी आन्दोलनको मौका छोपेर लुटेराहरुको एक समूहले बैंकभित्र छिरेर करोडौँको नगद तथा सुन लुटेको थियो।
सोहि लुटेरा समुहका दुई जना पक्राउ परेका हुन् । पक्राउ पर्नेमा दोलखाका दीपक श्रेष्ठ र सिराहाका नरेशकुमार यादव रहेका छन् ।
उनीहरुलाई पक्राउ गरी अनुसन्धान अघि बढाइएको जिल्ला प्रहरी परिसर काठमाडौंले जनाएको छ ।
उनीहरूमध्ये यादवसँग करिब चार लाख नगद र केही सुन पनि बरामद भएको बताइएको छ।