Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
मंगलवार, श्रावण ५ गते २०८३
Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
आइतवार , आश्विन २६, २०८२
काठमाडौं । प्रतिबन्ध लगाएका औषधी विदेशबाट आयात गरी बिक्री वितरण गर्दै आएको एक भेट कम्पनीमाथि प्रहरीले अनुसन्धान अघि बढाएको छ ।
कान्तिपुर भेट डिष्टिब्युटर्सकी अध्यक्ष सुना सुवेदी बडाललाई प्रहरीको केन्द्रीय अनुसन्धान ब्यूरो (सिआइबी) ले पक्राउ गरेर अनुसन्धान थालेको हो ।
सो कम्पनीले नक्कली पत्र खडा गरी प्रतिबन्धित औषधी आयात गरी बिक्री वितरण गर्दै आएको छ । यस विषयमा धेरै वर्षदेखि विभिन्न निकायमा उजुरी परेपछि कम्पनीका सञ्चालक ऋषि बडालले रोक्दै आएका थिए ।
पक्राउ परेकी सुना ऋषिकै श्रीमती हुन् । विगतमा उनले अनुसन्धान रोक्दै आएकोमा हाल सरकार फेरिएसँगै सो विषयमा अनुसन्धान अघि बढेको हो ।
कम्पनीका सञ्चालक बडालले ब्रोइलर कुखुरालाई दिइने प्रतिबन्धित औषधीहरु उनले आयात गरेर बिक्री गर्दै आएको सिआइबीका अधिकारी बताउँछन् ।
कम्पनीले औषधी व्यवस्था विभागमा दर्ता नभएका पशुपन्छीको फुड सप्लिमेन्ट, प्रोवायोटिक्स, भिटामिन, मिनरल, टक्सिन वाइन्डर फरक नाममा आयात गरेर बिक्री गर्दै आएको थियो ।
यस्ता सप्लिमेन्ट खुवाइएका कुखुराको मासुले मानव स्वास्थ्यमा गम्भीर असर पर्ने भन्दै रोकिएको थियो । यसका लागि उनले पशु सेवा विभाग अन्र्तगतका कार्यालयको पत्र नै कीर्ते बनाउने गरिएको थियो । यस्तै धन्दाबाट बडालले अरबौंको सम्पत्ति जोडिससकेका छन्।
उनी एमाले नेता केशव बडालका भजित हुन्। यसअघि पनि सिआइबीमा उजुरी परेकोमा तत्कालिन महान्यायाधिवक्ता रमेश बडालले अनुसन्धान रोकेका थिए ।
साथै ऋषि बडालको अनेरास्ववियुका पूर्वअध्यक्ष समिक बडालसँग पनि साझेदारी रहेको स्रोत बताउँछ । कान्तिपुर फर्मास्युटिकल्स नामक कम्पनीमा समिकको शेयर छ ।
जसकारण यस घटनामा समिक पनि तानिने सक्ने सिआइबीका अधिकारी बताउँछन् । यही कम्पनीसँगको साझेदारीमा समिकले पछिल्लो वर्ष अस्वभाविक आर्थिक छलाङ मारेको अखिल नेताहरू बताउँछन् । यस विषयमा पहिले नै प्रहरीमा उजुरी परेकोमा अनुसन्धान रोकिदै आएको थियो ।
© 2026 All right reserved to onlinenepal.com
Design & Developed By
