काठमाडौं । प्रभु बैंकका प्रमुख कार्यकारी अधिकृत (सीईओ) अशोक शेरचन पक्राउ परेका छन् ।
नेपाल प्रहरीको केन्द्रीय अनुसन्धान ब्युरो (सिआइबी) ले आइतबार अनामनगरस्थित कार्यालयबाट पक्राउ गरेको हो ।
प्रभु ग्रुपसँग जोडिएको ठगी मुद्दामा उनलाई पक्राउ गरिएको सिआइबीका एसएसपी शिव कुमार श्रेष्ठले जानकारी दिए ।
साथै बैंकका नायब प्रमुख कार्यकारी अधिकृत मणिराम पोखरेल र प्रमुख कर्जा अधिकृत रिवास श्रेष्ठ पनि पक्राउ परेका छन् । उनीहरुमाथि अनुसन्धान जारी रहेको सिआइबीले जनाएको छ ।
यसअघि बैंकका पूर्वअध्यक्ष तथा एमालेका पूर्वसांसद देवीप्रकाश भट्टचन पनि पक्राउ परेका थिए । तर उनी हाजिरी जमानीमा छुटिसकेका छन् ।