एजेन्सी । भारतको गोवा प्रदेशअन्तर्गत अर्पोरा क्षेत्रमा रहेको एक नाइटक्लबमा शनिबार राति ग्यास सिलिन्डर विस्फोट भएको छ ।
जसमा कम्तीमा २३ जनाको मृत्यु भएको छ । भारतीय सञ्चारमाध्यमका अनुसार विस्फोटपछि भीषण आगलागी भएको र त्यसमा परेर उनीहरूको मृत्यु भएको हो ।
हालसम्म २३ वटा शव फेला परेको गोवा प्रहरीले जनाएको छ । मृतक सबै नाइटक्लबका कर्मचारी रहेका छन् ।
घटनाबारे जानकारी पाएपछि गोवाका मुख्यमन्त्री प्रमोद सावन्त र स्थानीय सांसद माइकल लोबो घटनास्थलमा पुगेका थिए ।
घटनामा पर्यटक समेत परेको आशंका गरिएको छ । यद्यपि, विस्तृत विवरण आउन बाँकी छ ।