चितवन। भरतपुर महानगरपालिका प्रमुख रेनु दाहाललाई नेपाली कम्युनिस्ट पार्टीले चितवन क्षेत्र ३ बाट आगामी प्रतिनिधिसभा निर्वाचनका लागि सर्वसम्मत उम्मेदवार सिफारिस गरेको छ।
पार्टीको क्षेत्र नम्बर ३ को आज बसेको बैठकले क्षेत्र नम्बर ३ मा दाहाललाई प्रतिनिधिसभा उम्मेदवारको लागि एकल सिफारिस गरेको हो ।
उनको सिफारिस जिल्ला कमिटी हुँदै प्रदेश कमिटीमार्फत केन्द्रमा पठाइनेछ।
दाहालले महानगरमा एक वर्ष कार्यकाल बाँकी छँदै राजीनामा दिएर चुनावमा जुट्ने तयारी गरेकी छन्।
चितवन निर्वाचन क्षेत्र ३ मा माडी नगरपालिकासहित भरतपुर महानगरपालिकाका १९ वटा वडा पर्छन्।