जनकपुरधाम । मधेश प्रदेश, गृह मन्त्रालय र सञ्चार तथा कानुन मन्त्रालयद्वारा संयुक्त रुपमा आयोजित एक दिने प्रदेशस्तरीय सुरक्षा गोष्ठी धनुषाको जनकपुरधाममा सुरु भएको छ।
गृहमन्त्री ओमप्रकाश अर्यालको प्रमुख आथित्यमा गोष्ठीको उद्घाटन गरिएको हो ।
उद्घाटन समारोहमा मधेश प्रदेशका मुख्यमन्त्री कृष्णप्रसाद यादव, तीनवटै सुरक्षा निकायका प्रमुख, नेपाली सेनाका रथी तथा प्रदेशका गृह, सञ्चार तथा कानुनमन्त्री फकिरा महतो र संघीय मन्त्रालय अन्तर्गतको गृह मन्त्रालयका गृह सचिव राजकुमार श्रेष्ठ, सहासचिव आनन्द काफ्ले र अन्य कर्मचारीहरूको उपस्थिति रहेको छ।

गोष्ठीमा प्रदेशको समग्र शान्ति सुरक्षा अवस्था, सीमा सुरक्षाका चुनौती, आपराधिक गतिविधि नियन्त्रण, विपद् व्यवस्थापन तथा सुरक्षा निकायबीचको अन्तर समन्वयका विषयमा छलफल भइरहेको छ।
