रविसँगको एकतालाई कुलमानले दिए दुर्घटनाको संज्ञा, भने - पार्टी सफा र चोखिएर आउन सफल भयो

अनलाइन नेपाल

बिहिवार , माघ १, २०८२

रविसँगको एकतालाई कुलमानले दिए दुर्घटनाको संज्ञा, भने - पार्टी सफा र चोखिएर आउन सफल भयो

काठमाडौं । उज्यालो नेपाल पार्टीका अध्यक्ष कुलमान घिसिङले हालै पार्टीले भोगेको संकटपछि आफूहरू अझ सफा, चोखो र दृढ भएर अघि बढ्न सफल भएको बताएका छन् ।

बिहीबार काठमाडौंमा राष्ट्रिय परिवर्तन पार्टी (युनाइटेड जेनजी)सँग एकताको घोषणा गर्दै घिसिङले करिब १२ दिन पार्टी ‘दुर्घटनामा’ परेको अवस्थाबाट गुज्रिनुपरेको स्मरण गरे ।

अँध्यारो अवस्थाबाट बाहिर निस्किन ती १२ दिन अत्यन्तै कठिन भए पनि त्यसले पार्टीलाई आत्मशुद्धिकरणको अवसर दिएको उनको भनाइ थियो।

“पार्टी सफा भएर निस्किएको छ। अब देशलाई पनि सफा र उज्यालो बनाउने अभियानमा गम्भीरताका साथ लाग्छौं,” घिसिङले भने। उनले उज्यालो नेपाल पार्टी नयाँ राजनीतिक शक्तिको प्रतिनिधि भएको दाबी गर्दै अहिलेका अधिकांश दल पुरानो सोच र संरचनामा सीमित भइसकेको टिप्पणी गरे।

कार्यक्रममा उज्यालो नेपाल पार्टीका अध्यक्ष कुलमान घिसिङ र राष्ट्रिय परिवर्तन पार्टी (युनाइटेड जेनजी) का अध्यक्ष राजेश पोर्तेलबीच औपचारिक रूपमा सहमतिपत्र आदानप्रदान गरिएको थियो।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

रविसँगको एकतालाई कुलमानले दिए दुर्घटनाको संज्ञा, भने - पार्टी सफा र चोखिएर आउन सफल भयो