Jul 23 2026 | २०८३, श्रावण ७ गते
23 Jul 2026 | बिहिवार, श्रावण ७ गते २०८३
बिहिवार, श्रावण ७ गते २०८३
Jul 23 2026 | २०८३, श्रावण ७ गते
23 Jul 2026 | बिहिवार, श्रावण ७ गते २०८३
सोमवार , माघ १९, २०८२
काठमाडौं । आगामी प्रतिनिधिसभा निर्वाचनलाई लक्षित गरेर नेपालमा नक्कली नेपाली र भारतीय रुपैयाँ भित्र्याउने तयारीमा रहेको एक ठूलो गिरोह भारतमा पक्राउ परेको छ ।
भारतको पूर्वी चम्पारण प्रहरी र एसटीएफको संयुक्त टोलीले भारतको सीतामढीको मेजरगञ्ज क्षेत्रबाट १० जनालाई पक्राउ गरेको हो ।
पक्राउ पर्ने मध्ये तीन जना नेपाली र सात जना भारतीय नागरिक रहेका छन् ।
भारतीय प्रहरीका अनुसार, उनीहरू नेपाल–भारत सीमा क्षेत्रअन्तर्गत रक्सौल आसपासमा नक्कली नोटको कारोबारमा संलग्न अन्तर्राष्ट्रिय गिरोह भएको जनाइएको छ ।
उनीहरूद्वारा सञ्चालित नक्कली नोट छाप्ने अत्याधुनिक कारखाना पनि भारतीय प्रहरीले फेला पारेर ध्वस्त पारेको छ ।
पक्राउ परेकाहरूबाट २५ लाख रुपैयाँबराबरको नक्कली नेपाली नोट, १८ हजार ५ सय नक्कली भारतीय रुपैयाँ र नोट छाप्ने हाइटेक मेसिन बरामद भएको छ । यस्तै, नोट छाप्न प्रयोग हुने कागज, रसायन तथा अन्य सामग्री पनि बरामद भएको भारतीय प्रहरीको भनाइ छ। छापामारी क्रममा तीन वटा मोटरसाइकल र एउटा कारसमेत बरामद गरिएको छ ।
सुरक्षा निकायले गिरोहका अन्य सदस्य र यसका मुख्य योजनाकारको खोजी तीव्र बनाएको जनाएको छ ।
प्रहरीले नक्कली नोट कारोबार राष्ट्रिय सुरक्षा र आर्थिक स्थायित्वमाथिको गम्भीर खतरा भएकाले यस्ता गतिविधिमा संलग्न कसैलाई पनि नछोडने बताएको छ ।
© 2026 All right reserved to onlinenepal.com
Design & Developed By
