Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
बुधवार, श्रावण ६ गते २०८३
Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
'मेरो आफ्नै गाडी छ। म आफैँ सक्षम छु । मैलै पाउने तलब सुविधा बरु जेनजी घाइतेहरुलाई दिन्छु'
मंगलवार , चैत्र ३, २०८२
काठमाडौं । गोरखाबाट नवनिर्वाचित प्रतिनिधिसभा सदस्य सुदन गुरुङले आफूले सांसदका रूपमा पाउने तलब नलिने घोषणा गरेका छन् ।
मंगलबार ग्वार्कोस्थित होटल रोयल टुलिपमा रास्वपाले आयोजना गरेको सांसद प्रशिक्षण कार्यक्रमका क्रममा सञ्चारकर्मीसँग कुरा गर्दै गुरुङले तलब नलिने र सरकारी गाडी पनि प्रयोग नगर्ने घोषणा गरेका हुन् ।
उनले भने, ‘म तलब खाँदिनँ, सरकारी गाडी पनि चढ्दिनँ । मेरो आफ्नै गाडी छ । म आफैँ सक्षम छु । मैलै पाउने तलब सुविधा बरु जेनजी घाइतेहरुलाई दिन्छु ।
सुदनले संसदबाट पाउने तलब सुविधा आफुले नलिने बरु जेनजी घाइतेलाई दिने बताएका छन्।
उनले आफू आर्थिक रूपमा सक्षम भएकाले राज्यबाट सुविधा लिन आवश्यक नरहेको उनको भनाई छ ।
फागुन २१ को चुनावमा कांग्रेसका निकटतम प्रतिस्पर्धी प्रेम खत्रीसंग फराकिलो मतान्तरल गोरखा क्षेत्र नम्बर १ बाट निर्वाचित गुरुङले निर्वाचित हुनुअघि नै राजनीतिमा सुविधा धेरै भयो भन्दै आवाज उँठाउदै आएका थिए ।
'सांसद र मन्त्रीलाई तलब नै नदिउँ। राजनीतिमा सुविधा धेरै भयो, सेवा भावना कम भयो,' जेनजी आन्दोलनपछि राजनीतिक रूपमा चर्चामा आएका गुरुङले केही समयअघि रिपोर्टर्स क्लबमा बोलेका थिए।
साथै गुरुङले संसद्मा सक्रिय र प्रभावकारी भूमिका खेल्ने प्रतिबद्धता व्यक्त गर्दै जनताको पक्षमा काम गर्ने जिकिर गरे ।
© 2026 All right reserved to onlinenepal.com
Design & Developed By
