करण केसीले जापान प्रिमियर लिग खेल्ने

अनलाइन नेपाल

मंगलवार , चैत्र ३, २०८२

काठमाडौं । नेपाली राष्ट्रिय क्रिकेट टिमका बलर करण केसीले जापान प्रिमियर लिग खेल्ने भएका छन् ।

मंगलबार जापान क्रिकेट संघले सामाजिक सञ्जालमार्फत करण केसीले जापान प्रिमियर लिग खेल्ने तय भएको जानकारी दिएको हो ।

यद्यपि उनी कुन टोलीमा अनुबन्धित भएका छन् भन्ने कुरा भने संघले हालसम्म सार्वजनिक गरेको छैन ।

संघले सामाजिक सञ्जालमा लेखेको छ,'नेपालका करण केसी जापान प्रिमियर लिग खेल्न जापान आउँदै छन्। करणको उपस्थितिले प्रतियोगितामा थप उत्साह र प्रतिस्पर्धा बढ्ने विश्वास लिएका छौँ ।'

जापान प्रिमियर लिग जापानको घरेलु टी–२० क्रिकेटअन्तर्गत सबैभन्दा ठूलो प्रतियोगिताका रूपमा मानिन्छ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

करण केसीले जापान प्रिमियर लिग खेल्ने