कोलम्बियामा वायुसेनाको विमान दुर्घटना हुँदा ६६ जनाको मृत्यु, दर्जनौं घाइते

अनलाइन नेपाल

मंगलवार , चैत्र १०, २०८२

एजेन्सी । कोलम्बियामा वायुसेनाको विमान दुर्घटना हुँदा कम्तिमा पनि ६६ जनाको मृत्यु भएको छ ।

देशको दक्षिणी क्षेत्रमा उडान भरेको केही समयमै वायु सेनाको विमान पुटुमायो प्रान्तको प्युर्तो लेगुइजामो सहर नजिकै दुर्घटनाग्रस्त भएको हो ।

वायु सेनाका कमान्डर कार्लोस फर्नान्डो सिल्वा रुएडाका अनुसार विमानमा सेनाका ११४ जवान र ११ चालक दलका सदस्यहरू सवार रहेका थिए ।

बीबीसी हिन्दीका अनुसार गएराति भएको यो दुर्घटनामा कम्तिमा पनि ६६ जनाको मृत्यु भएको छ भने दर्जनौं मानिसहरू घाइते भएका छन् ।

दुर्घटनामा परेको विमान अमेरिकामा निर्मित सी–१३० हरक्युलस विमान हो । यसको प्रयोग सैनिकहरूलाई आहोर–दोहोरमा हुँदै आएको थियो ।

विमान दुर्घटनास्थलमा पुगेका उद्दारकर्मीहरू विमानको भग्नावशेषमा जिबित रहेका सेना र चालक दलका सदस्यको खोजीमा जुटेका समाचारमा उल्लेख छ ।

कोलम्बियाका रक्षामन्त्री पेड्रो सान्चेजले समाजिक सञ्जालमा लेख्दै उक्त घटनादेशका लागि दुखदायी भएको बताएका छन्।

उनका अनुसार विमानमा आगलागी हुँदा सेनाका गोला बारुद पड्केर घटना भयावह भएको हो।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

इरान युद्ध रोक्न अमेरिकी तल्लो सदनबाट प्रस्ताव पारित