अपडेट - हराइरहेको हेलिकप्टर दोलखामा अवतरण गरेको सूचना

अनलाइन नेपाल

शुक्रवार , चैत्र १३, २०८२

अपडेट - हराइरहेको हेलिकप्टर दोलखामा अवतरण गरेको सूचना

फाइल तस्विर

काठमाडौं । दुई घण्टादेखि हराइरहेको भनिएको मुस्ताङ हेलिकप्टर प्रालिको हेलिकप्टर दोलखाको लप्चीमा अवतरण भएको पाइएको छ ।

भर्खरै प्राप्त सूचना अनुसार खराब मौसमका कारण हेलिकप्टर सो क्षेत्रमा अवतरण गरिएको हो । जिल्ला प्रहरी कार्यालय दोलखाले पनि लप्चीमा हेलिकप्टर अवतरण भएको जनाएको छ ।

जिल्ला प्रहरी कार्यालय दोलखाका प्रमुख डीएसपी मनोजकुमार लामाले खराब मौसमका कारण हेलिकप्टर अवतरण भएको सूचना आएको बताउँदै फोन नलाग्ने भएकाले विस्तृत विवरण आउन नसकेको बताएका छन् । उनले प्रहरी टोली त्यहाँ पुग्दै गरेको पनि बताए ।

यता, त्रिभुवन विमानस्थल कार्यलयले भने हेलिकप्टर हराएको पुष्टि गरे पनि थप विवरण प्राप्त नभएको जनाएको छ ।

रसुवाको लाङटाङ क्षेत्रबाट सम्पर्कविहीन भएको उक्त हेलिकप्टरमा ५ जना सवार रहेको खुलेको छ ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

अपडेट - हराइरहेको हेलिकप्टर दोलखामा अवतरण गरेको सूचना