काठमाडौं । राष्ट्रिय स्वतन्त्र पार्टी (रास्वपा)की सांसद अप्साना बानुले निष्क्रिय रहेका सानादेखि ठूला उद्योग पुनः सञ्चालन गर्न माग गरेकी छन् ।
जारी प्रतिनिधिसभा बैठकलाई सम्बोधन गर्दै उनले यस्तो माग गरेकी हुन् ।
उनले भनिन्–‘निष्क्रिय रूपमा रहेका सानादेखि ठूला उद्योग तुरुन्त सञ्चालनमा ल्याएर स्वदेशी उत्पादनलाई प्राथमिकीकरण गरियोस् ।’
रोजगारी सिर्जना गर्न नसके युवा पलायन नरोकिने र युवाले खोजेजस्तो परिवर्तनको अनुभूत गर्न नसकिने उनले बताइन् ।