Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
बिहिवार , बैशाख ३, २०८३
काठमाडौं । नेपाल यातायात व्यावसायी राष्ट्रिय महासंघले फेरि सवारी साधनको भाडा वृद्धि गर्न सरकारसँग माग गरेको छ ।
महासंघका महासचिव डेकनाथ गौतमले बिहीबार एक विज्ञप्ति सार्वजनिक गर्दै इन्धनमा भारी वृद्धि भएकाले तत्काल सवारीको भाडादर वृद्धि गर्न माग गरेका हुन् ।
'नेपाल सरकारको स्वामित्व रहेको नेपाल आयल निगमबाट पटक-पटक मूल्यवृद्धिको सट्टा वैकल्पिक व्यवस्था मिलाउन यसै प्रेस विज्ञप्तिमार्फत जोडदार माग गर्दछौं,' विज्ञप्तिमा भनिएको छ ।
पछिल्लो समय मध्यपूर्वको तनावका कारण कच्चा तेलको मूल्य अत्याधिक वृद्धि भइरहेको छ ।
सोहि अनुसार नेपाल आयल नियमले पटक-पटक डिजेल र पेट्रोलमा भारी मूल्य वृद्धि गरिरहेको छ ।
जसले सार्वजनिक यातायात क्षेत्रमा सञ्चालन हुने यात्रुवाहक सवारी साधन र मालवाहक सवारी साधन सञ्चालनमा कठिन अवस्था सिर्जना भएको विज्ञप्तिमा उल्लेख छ ।
यस्तै, विषम परिस्थितिको मूल्यांकन गर्दै देश भरी सेवा सञ्चालन गर्ने महासंघ सदस्यलाई पेट्रोलियम पदार्थको खपत कम गर्न र सेवा सञ्चालन गर्दा हुने घाटालाई न्यूनीकरण गर्न पनि विज्ञप्तिमार्फत स्मरण गराइएको छ ।
सरकारले यसअघि २५ चैतमा मात्रै सार्वजनिक यातायात तथा ढुवानीका सवारीको भाडादर समायोजन गरेको थियो ।
जसअनुसार मालवाहक सवारी साधनको भाडा पहाडी मार्गमा २१।६८ प्रतिशत र तराई मार्गमा १५।७५ प्रतिशतले समायोजन गरिएको थियो।
© 2026 All right reserved to onlinenepal.com
Design & Developed By
