Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शनिवार , बैशाख १२, २०८३
काठमाडौं । आईसीसी क्रिकेट विश्वकप लिग–२ अन्तर्गत कीर्तिपुरस्थित त्रिवि क्रिकेट मैदानमा जारी खेलमा नेपालले यूएईलाई २०१ रनको लक्ष्य दिएको छ ।
टस हारेर पहिले ब्याटिङ गरेको नेपाल ४८.२ ओभरमा २०० रनमा अलआउट भयो । नेपालका लागि दीपेन्द्र सिंह ऐरीले सर्वाधिक ७५ रनको उत्कृष्ट पारी खेले । दबाबबीच उनले इनिङ सम्हाल्दै टोलीलाई सम्मानजनक योगफलसम्म पुर्याए ।
यस्तै कुशल भुर्तेलले २४ रन, करण केसीले २२ रन, आरिफ शेख र सोमपाल कामीले १५–१५ रन जोडे । भीम सार्कीले १० रन बनाउँदा आसिफ शेख ७ रन र कप्तान रोहित पौडेल २ रनमै आउट भए ।
बलिङतर्फ यूएईका जुनैद सिद्धिकी र अजय कुमारले समान ३–३ विकेट लिए । खुजैमा तनवीरले २ विकेट हात पारे भने हैदर अली र मुहम्मद शहदादले १–१ विकेट लिए ।
अब यूएईले जितका लागि २०१ रनको लक्ष्य पछ्याउनेछ ।
दुबै टोलीलाई शीर्ष ६ मा रहेर अन्तर्राष्ट्रिय मान्यता जोगाउन जित्नै पर्ने दबाब छ । वैशाख २२ गतेसम्म चल्ने शृंखलामा तीनवटै देशले एक अर्काविरुद्ध दुई–दुई वटा खेल खेल्ने तालिका रहेको छ ।
आठ टोली सहभागी प्रतियोगिताको अंक तालिकामा नेपाल २० खेलबाट १२ अंकसहित सातौँ स्थानमा रहेको छ । युएई समान खेलबाट १० अंकका साथ अन्तिममा छ । दुबै टोलीले १६ खेल खेल्न बाँकी छ ।
© 2026 All right reserved to onlinenepal.com
Design & Developed By
