शिक्षामन्त्री पोखरेल र चिनियाँ राजदूतबीच भेटवार्ता

अनलाइन नेपाल

सोमवार , बैशाख १४, २०८३

शिक्षामन्त्री पोखरेल र चिनियाँ राजदूतबीच भेटवार्ता

काठमाडौं । शिक्षा, विज्ञान तथा प्रविधिमन्त्री सस्मित पोखरेल र नेपालका लागि चिनियाँ राजदूत चाङ माओ मिङले शिष्टाचार भेटवार्ता गरेका छन्।

दुवै जनाबीच सोमबार सिंहदरबारस्थित मन्त्रालयमा भेटवार्ता भएको हो ।

भेटमा नेपालको शिक्षा, विज्ञान तथा प्रविधि र खेलकुदसहितको क्षेत्रमा चीन सरकारको सहयोग र सहकार्यबारे छलफल गरेका छन्। विशेषगरी विद्यालयको पूर्वाधार, पठनपाठनमा डिजिटल प्रणाली लगायत संस्थागत विकास एवं समसामयिक विषयमा कुराकानी गरेका छन् ।

नेपाल सरकारका प्रवक्तासमेत रहेका शिक्षामन्त्री पोखरेलले शिक्षा क्षेत्रमा सञ्चालित परियोजना चाँडो सम्पन्न गर्न तथा नेपाली युवाहरुको रुचि अनुसारको चीन सरकारबाट प्राप्त हुने छात्रवृत्ति प्रवद्र्धन गर्ने सम्बन्धमा पनि चीन सरकारको ध्यानाकर्षण गराएका थिए।

चिनियाँ राजदूत माओमिङले नेपाल सरकारका तर्फबाट राखिएका विषयमा चीन सरकार साझेदारी र सहकार्यका लागि इच्छुक रहेको बताए।

साथै, उनीहरुबीच नेपाल-चीनबीचको ऐतिहासिक द्विपक्षीय सम्बन्ध, सहयोग र आपसी सहकार्यमा केन्द्रित रहेर छलफल भएको छ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

शिक्षामन्त्री पोखरेल र चिनियाँ राजदूतबीच भेटवार्ता