Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , जेठ २०, २०८३
एजेन्सी। भारतको राजधानी नयाँदिल्लीस्थित एक होटलमा भएको भीषण आगलागी हुँदा कम्तीमा २१ जनाको मृत्यु भएको छ ।
दिल्लीको दक्षिणी भागमा भीडभाडयुक्त बस्तीमा अवस्थित बेड-एन्ड-ब्रेकफास्ट ‘फ्लोरिस स्टे’ होटलमा बुधबार बिहान आगलागी भएको हो ।
आगो तीव्र रूपमा फैलिँदा भवनभित्र रहेका पाहुना र कर्मचारी फस्न पुगेका थिए । घटनास्थलमा आठ वटा दमकल परिचालन गरी लामो प्रयासपछि आगो नियन्त्रणमा लिइएको हो ।
उक्त घटनामा ४० जना भन्दाबढी मानिसहरु घाइते भएका छन् । उनीहरुलाई उपचारका लागि नजिकैका अस्पतालमा भर्ना गरिएको प्रहरीले जनाएको छ ।
प्रहरी र आपतकालीन सेवाका टोलीहरू अझै पनि घटनास्थलमा तैनाथ छन् र थप खोजी तथा उद्धार कार्य भइरहेको छ । स्थानीय सञ्चारमाध्यमहरूका अनुसार २१ जना मृतकमध्ये धेरैजसो अफ्रिकी मुलुकका आगन्तुकहरू रहेको अनुमान गरिएको छ ।
उनीहरू उपचार तथा अन्य प्रयोजनका लागि दिल्ली आएका थिए ।
यद्यपि आधिकारिक रूपमा मृतकहरूको पूर्ण विवरण भने सार्वजनिक गरिएको छैन ।
आगलागीको कारणबारे प्रारम्भिक रूपमा कुनै ठोस निष्कर्ष नआएको र घटनाबारे प्रहरीले थप अनुसन्धान गरिरहेको छ ।मन्त्री नरेन्द्र मोदीले घटनालाई ‘दुःखद’ भन्दै शोक व्यक्त गरेका छन् । उनको कार्यालयले सामाजिक सञ्जालमार्फत जारी गरेको विज्ञप्तिमा मृतकका परिवारप्रति समवेदना प्रकट गरिएको छ ।
© 2026 All right reserved to onlinenepal.com
Design & Developed By
