रोकिएन नेप्सेको ओरालो यात्रा, १४.४५ अंकले घट्यो

अनलाइन नेपाल

बुधवार , आषाढ १०, २०८३

रोकिएन नेप्सेको ओरालो यात्रा, १४.४५ अंकले घट्यो

काठमाडौं। नेपाल स्टक एक्सचेञ्ज (नेप्से) आज पनि १४.४५ अंकले घटेको छ।

दिनभर उतारचढाव रहेको नेप्से अन्तत: ०.५४ प्रतिशतले घट्दै नेप्से २६६०.०२ विन्दुमा रोकिएको हो ।

मंगलबार पनि नेप्से २६.१६ अंकले घटेको थियो। नेप्सेको कारोबार रकम भने अघिल्लो दिनको तुलनामा थोरै बढेको छ।

नेप्सेमा आज ३३८ कम्पनीको ७२ हजार ९१७ पटकको कारोबारमा एक करोड सात लाख ७७ हजार ५८२ कित्ता सेयर किनबेच भए। जसअनुसार चार अर्ब ४१ करोड ८६ लाख सात हजार ४८६ रुपैयाँको कारोबार भयो। मंगलबार चार अर्ब ३६ करोड २१ लाख ९४ हजार ७७१ रुपैयाँको कारोबार भएको थियो।

नेप्सेमा आज ६२ कम्पनीका मात्र सेयरमूल्य बढे। २०२ कम्पनीका सेयरमूल्य ओरालो लाग्दा १० कम्पनीका सेयरमूल्य स्थिर रहे। १३ समूहको कारोबार भएकामा फाइनान्स र व्यापार समूहको सूचक मात्र बढ्दा बाँकी ११ समूहका सूचक राताम्मे बने।

जसअनुसार वाणिज्य बैंक ०.४८ र विकास बैंक समूहको सूचक ०.५७ प्रतिशतले घट्यो भने फाइनान्स समूहको उपसूचक ०.१९ प्रतिशतले बढेको छ।

यस्तै होटेल तथा पर्यटन ०.६२‚ जलविद्युत् ०.६२‚ लगानी ०.३२‚ जीवन बिमा ०.४६‚ उत्पादन तथा प्रशोधन १.१०‚ लघुवित्त ०.३८‚ म्युचुअल फन्ड ०.४४‚ निर्जीवन बिमा ०.६४ र अन्य समूहको सूचक १.०२ प्रतिशतले घट्यो। व्यापार समूहको उपसूचक भने ०.८१ प्रतिशले बढ्यो।

यसैगरी टक्सार पिखुवाखोला हाइड्रोपावर कम्पनी लिमिटेड र याम्बालिङ हाइड्रोपावर लिमिटेडका लगानीकर्ताले १५ प्रतिशतले आम्दानी गरे। अर्थात् यी दुई कम्पनीका सेयरमूल्यमा सकारात्मक सर्किट लाग्यो। सोपान फर्मास्युटिकल्स लिमिटेडका लगानीकर्ताले भने ५.०५ प्रतिशतले सेयरमूल्य गुमाए।

कारोबार रकमका आधारमा आज आँखुखोला जलविद्युत् लिमिटेड अग्रस्थानमा रह्यो। यसको २९ करोड ६२ लाख ३३ हजार २६९ रुपैयाँको कारोबार भयो।

त्यस्तै कारोबार भएका सेयर संख्याका आधारमा आज कुमारी धनवृद्धि योजना (म्युचुअल फन्ड) अगाडि रह्यो। यसको नौ लाख ६ हजार ७०० युनिट सेयर कारोबार भयो। यसको आज अन्तिम कारोबार मूल्य प्रतियुनिट १०.९५ रुपैयाँ कायम रह्यो।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

रोकिएन नेप्सेको ओरालो यात्रा, १४.४५ अंकले घट्यो