Jun 30 2026 | २०८३, आषाढ १६ गते
30 Jun 2026 | मंगलवार, आषाढ १६ गते २०८३
मंगलवार, आषाढ १६ गते २०८३
Jun 30 2026 | २०८३, आषाढ १६ गते
30 Jun 2026 | मंगलवार, आषाढ १६ गते २०८३
मंगलवार , आषाढ १६, २०८३
काठमाडौं । प्रहरी हौँ भन्दै लुटपाट गरेको आरोपमा चार जना पक्राउ परेका छन् ।
जिल्ला प्रहरी परिसर काठमाडौंका अनुसार प्रहरी हौं भन्दै एक व्यक्तिलाई हतकडी लगाएर नगद, मोबाइल र बैंकका चेक लुट्ने घटनामा संलग्न चार जना पक्राउ गरिएको हो ।
पक्राउ पर्नेहरूमा सिन्धुपाल्चोकको त्रिपुरासुन्दरी गाउँपालिका–३ घर भई काठमाडौंस्थित धापासी बस्ने ४३ वर्षीय रामशरण दमाई, टोखा नगरपालिका–१ का ३८ वर्षीय सविन खवास, पर्साको ठोरी गाउँपालिका–४ घर भई हाल काठमाडौंको गौरीघाट बस्ने ४३ वर्षीया लक्ष्मी गोले तथा सिन्धुलीको घ्याङलेख गाउँपालिका–५ घर भई काठमाडौं महानगरपालिका–१६ वनस्थलीमा बस्दै आएका ४६ वर्षीय शेरबहादुर मोक्तान रहेका छन्।
प्रहरीका अनुसार सिन्धुलीको घ्याङलेख गाउँपालिका–५ घर भई हाल वनस्थलीमा डेरा गरी बस्ने शेरबहादुर मोक्तानको कोठामा उनका चिनजानका साथी सर्लाहीको लालबन्दी नगरपालिका–८ खतिवडा चोक निवासी ४३ वर्षीय धनबहादुर मोक्तान जग्गा खरिद गर्ने उद्देश्यले काठमाडौं आएका थिए।
उक्त क्रममा ६ जनाको समूहमा आएका व्यक्तिहरूले आफूहरू प्रहरी भएको भन्दै धनबहादुरलाई नियन्त्रणमा लिई हतकडी लगाएका थिए। त्यसपछि डर, त्रास र धम्की देखाएर उनीसँग रहेको नगद १० लाख ९५ हजार रुपैयाँ, मोबाइल फोन तथा सिद्धार्थ बैंकका खाली चेकहरू लुटेर भागेका थिए।
घटनापछि फरार व्यक्तिहरूको खोजतलास गर्ने क्रममा प्रहरीले असार १४ गते काठमाडौंका विभिन्न स्थानबाट चार जनालाई पक्राउ गरेको हो।
उनीहरूबाट प्रहरीले दुई लाख रुपैयाँ नगद बरामद गरेको छ।
साथै, उनीहरूविरुद्ध चोरी तथा डाँका सम्बन्धी कसुरमा काठमाडौं जिल्ला अदालतबाट सात दिनको म्याद थप अनुमति लिई प्रहरी वृत्त बालाजुले थप अनुसन्धान गरिरहेको छ।
© 2026 All right reserved to onlinenepal.com
Design & Developed By
