Jul 02 2026 | २०८३, आषाढ १८ गते
02 Jul 2026 | बिहिवार, आषाढ १८ गते २०८३
बिहिवार, आषाढ १८ गते २०८३
Jul 02 2026 | २०८३, आषाढ १८ गते
02 Jul 2026 | बिहिवार, आषाढ १८ गते २०८३
'नामथर र वतन नखुलेको भिरमा अड्केका् एक जना पुरुषको शव मात्रै निकालियो'
बिहिवार , आषाढ १८, २०८३
दैलेख । कर्णाली राजमार्गको दैलेख सडकखण्डमा दुर्घटनाग्रस्त यात्रुवाहक फोर्स गाडी कर्णाली नदीमा डुब्दा उद्धार कार्यमा कठिनाइ भएको छ ।
नदीमा जलसतह बढेको र गाडी नदेखिने गरी डुबेकाले उद्धार कार्यमा कठिनाइ भएको जिल्ला प्रहरी कार्यालय दैलेखले जनाएको छ ।
आज बिहान ११ः३० बजेको समयमा सुर्खेतबाट कालीकोटतर्फ जाँदै गरेको कप्र ०२–००१ ख १०५५ नम्बरको फोर्स गाडी चामुण्डाबिन्द्रासैनी नगरपालिका९७ दैलेखको साङ्गेतडास्थित दुर्घटनाग्रस्त भई कर्णाली नदीमा खसेको थियो ।
सडकबाट ५०० मिटर तल खसेको बुलबुले यातायातको उक्त फोर्स गाडीमा १४ जना यात्रु सवार थिए ।
जसमध्ये नामथर र वतन नखुलेको भिरमा अड्केको एक जना पुरुषको शव मात्रै निकालिएको छ ।
खबर पाउनासाथै उद्धारका लागि सशस्त्र प्रहरी बल नेपाल गुल्म दैलेख, माथिल्लो कर्णाली जलविद्युत आयोजना सुरक्षा बेस र प्रहरी चौकी पाल्तडाबाट उद्धार टोली खटिएको थियो ।
तर गाडी नदीमा डुबेका कारण अहिलेसम्म फेला पर्न नसकेकाले उद्धार कार्यमा कठिनाइ भएको हो ।
अहिले कर्णालीमा डुबेको गाडी र यात्रुहरुको खोजीका लागि सशस्त्र प्रहरी बल, नेपाल नं। ६ महेश्वरी बाहिनी मुख्यालय सुर्खेतबाट ६ जना गोताखोर सहितको थप टोली परिचालन गरिएको सशस्त्र प्रहरी बलका सहायक प्रवक्ता शैलेन्द्र थापाले जानकारी दिए ।
© 2026 All right reserved to onlinenepal.com
Design & Developed By
