एजेन्सी । भेनेजुएलामा आएको दुईवटा शक्तिशाली भूकम्पका कारण भत्किएको भवनको भग्नावशेषमा आठ दिनदेखि फसिरहेका एक पुरुषको जीवितै उद्धार गरिएको छ ।
उद्धारकर्मीहरूले हर्नान गिल नाम गरेका ती पुरुषलाई १४० टन भग्नावशेषमुनि पहिलोपटक फेला पारेको १०० घण्टाभन्दा बढीको कठिन प्रयासपछि सुरक्षित रूपमा बाहिर निकाल्न सफल भएका हुन् ।
यसअघि उद्धार कार्यमा खटिएका चिलीका एक अग्निनियन्त्रकले यो अभियानलाई आफूले अहिलेसम्म सामना गरेको सबैभन्दा जटिल र प्राविधिक रूपमा कठिन उद्धार कार्यका रूपमा वर्णन गरेका थिए ।
२४ जुनमा भेनेजुएलामा आएको भूकम्पमा परी हालसम्म झन्डै २३ सय जनाको मृत्यु भएको पुष्टि भइसकेको छ । दशौँ हजार मानिस अझै बेपत्ता छन् ।