Jul 07 2026 | २०८३, आषाढ २३ गते
07 Jul 2026 | मंगलवार, आषाढ २३ गते २०८३
मंगलवार, आषाढ २३ गते २०८३
Jul 07 2026 | २०८३, आषाढ २३ गते
07 Jul 2026 | मंगलवार, आषाढ २३ गते २०८३
सोमवार , आषाढ २२, २०८३
एजेन्सी । यमनको रणनीतिक हुदैदाह बन्दरगाह आसपास सुरक्षा अवस्था थप जटिल बन्दै गएको छ ।
बेलायतको समुद्री व्यापार सञ्चालन एजेन्सीले हुदैदाह बन्दरगाह नजिकै एक कार्गो जहाजमाथि आक्रमण भएको जानकारी दिएको छ भने दक्षिणी क्षेत्रमा हुथी विद्रोहीसँग भएको भीषण भिडन्तमा यमन सरकारका १४ सैनिक मारिएका छन् ।
यूकेएमटीओका अनुसार हुदैदाह बन्दरगाहबाट करिब ३० समुद्री माइल दक्षिणपश्चिममा रहेको कार्गो जहाजले आपत्कालीन सन्देश पठाउँदै अज्ञात समूहबाट आक्रमण भएको जनाएको हो। घटनापछि सम्बन्धित निकायले अनुसन्धान सुरु गरेको छ।
बेलायती नौसेनाले सो क्षेत्रमा सञ्चालनमा रहेका सबै जहाजलाई उच्च सतर्कता अपनाउन, यात्रा गर्दा विशेष सावधानी अपनाउन तथा कुनै पनि शंकास्पद गतिविधि देखिए तत्काल जानकारी गराउन आग्रह गरेको छ।
यता अन्तर्राष्ट्रिय रूपमा मान्यता प्राप्त यमन सरकारले हुदैदाहको दक्षिणस्थित हाइस क्षेत्रमा हुथी विद्रोहीले गरेको आक्रमणमा आफ्ना १४ सैनिक मारिएको पुष्टि गरेको छ।
सरकार पक्षसँग आबद्ध एक सैन्य अधिकारीका अनुसार शनिबार धेरै घण्टासम्म चलेको भिडन्तपछि सरकारी सेनाले हुथी विद्रोहीको आक्रमणलाई विफल पारेको थियो। उनका अनुसार भिडन्तमा ठूलो संख्यामा हुथी लडाकु पनि मारिएका वा घाइते भएका छन्, तर त्यसको यकिन विवरण सार्वजनिक गरिएको छैन।
यो झडप इरान समर्थित हुथी विद्रोहीले साउदी अरेबियामाथि आक्रमण गर्ने चेतावनी दिएको भोलिपल्ट भएको हो। हुथी पक्षले साउदी अरेबियाले इरानी विमानलाई यमनमा अवतरण गर्न नदिने प्रयास गरेको आरोप लगाएको छ।
© 2026 All right reserved to onlinenepal.com
Design & Developed By
