Jul 08 2026 | २०८३, आषाढ २४ गते
08 Jul 2026 | बुधवार, आषाढ २४ गते २०८३
बुधवार, आषाढ २४ गते २०८३
Jul 08 2026 | २०८३, आषाढ २४ गते
08 Jul 2026 | बुधवार, आषाढ २४ गते २०८३
बुधवार , आषाढ २४, २०८३
काठमाडौं । काठमाडौंको नयाँबानेश्वरस्थित निजामती कर्मचारी अस्पतालकी फार्मेसी युनिट इन्चार्ज तथा फार्मेसी अधिकृत दिपा ढुङ्गानासहित ८ कर्मचारीविरुद्ध भ्रष्टाचार मुद्दा दायर गरेको छ ।
अख्तियार दुरुपयोग अनुसन्धान आयोगले अस्पतालमा औषधि व्यवस्थापनमा व्यापक अनियमितता र सार्वजनिक सम्पत्ति हानिनोक्सानी गरी भ्रष्टाचार गरेको आरोपमा फार्मेसी अधिकृत ढुङ्गानासहित ८ कर्मचारीविरुद्ध आज विशेष अदालत काठमाडौंमा भ्रष्टाचार मुद्दा दायर गरेको हो ।
आयोगका अनुसार अस्पतालको फार्मेसी शाखामा कार्यरत कर्मचारीहरूले औषधि आपूर्तिकर्तासँग मिलेमतो गरी अस्पतालमा औषधि आपूर्ति नै नभई बिल(बिजक सफ्टवेयरमा प्रविष्टि गर्ने, म्याद गुज्रिएका औषधि फिर्ता नगर्ने, स्टक अभिलेख र वास्तविक मौज्दातबीच ठूलो अन्तर राख्ने तथा सार्वजनिक सम्पत्तिमा हानी(नोक्सानी पुर्याउने कार्य गरेको अनुसन्धानबाट पुष्टि भएको छ ।
अनुसन्धानका क्रममा अस्पतालको स्टोर तथा अन्य स्थानमा करोडौँ रुपैयाँ बराबरका म्याद गुज्रिएका औषधि थन्किएको, कम्प्युटर प्रणालीमा मौज्दात देखाइएका औषधि वास्तविक रूपमा स्टोरमा नभएको तथा आर्थिक वर्षको अन्त्यमा अनिवार्य रूपमा तयार गर्नुपर्ने खरिद, बिक्री र मौज्दातको सन्तुलन परीक्षणसमेत नगरेको भेटिएको आयोगले जनाएको छ।
अस्पतालका कार्यकारी निर्देशकले सम्झौताअनुसार म्याद गुज्रिएका वा बिक्री नभएका औषधि तत्काल आपूर्तिकर्तालाई फिर्ता गरी शोधभर्ना लिन जिम्मेवारी तोके पनि सम्बन्धित कर्मचारीहरूले त्यसको पालना नगरेको आरोप छ।
साथै म्याद सकिएका औषधि हुँदाहुँदै पनि फिर्ता गर्नुपर्ने औषधि छैन भन्ने गलत लिखित जानकारी दिएर आपूर्तिकर्ता कम्पनीहरूको धरौटी रकमसमेत कट्टा नगरी फिर्ता गराइएको आयोगको निष्कर्ष छ।
जसकारण नेपाल सरकारको स्वामित्वमा रहेको निजामती कर्मचारी अस्पतालको २ करोड ९१ लाख ३४ हजार ५४७ रुपैयाँ ३७ पैसा बराबरको सार्वजनिक सम्पत्तिमा हानी(नोक्सानी पुगेको छ।
यस प्रकरणमा अख्तियारले अस्पतालका फार्मेसी इन्चार्ज ढुङ्गाना, फार्मेसी युनिट इन्चार्जहरू लबेन्द्र कुँवर, दिनेश पन्त, र दिपक सापकोटालाई प्रतिवादी बनाएको छ।
त्यसैगरी, स्टोरकिपर तथा वरिष्ठ फार्मेसी सहायकहरू विनोद पोखरेल र शर्मीला श्रेष्ठ, तथा फार्मेसी सहायकहरू केशव राज न्यौपाने र सन्दिप तिवारीलाई पनि विपक्षी बनाइएको छ।
© 2026 All right reserved to onlinenepal.com
Design & Developed By
