Jul 11 2026 | २०८३, आषाढ २७ गते
11 Jul 2026 | शनिवार, आषाढ २७ गते २०८३
शनिवार, आषाढ २७ गते २०८३
Jul 11 2026 | २०८३, आषाढ २७ गते
11 Jul 2026 | शनिवार, आषाढ २७ गते २०८३
शनिवार , आषाढ २७, २०८३
जुम्ला । कालीकोटको गगनेखोलामा गएराति पहिरो जाँदा कर्णाली राजमार्ग अवरुद्ध भएको छ ।
सडक डिभिजन कार्यालय जुम्लाका अनुसार अविरल वर्षापछि गगनेखोलामा ठूलो पहिरो जाँदा राजमार्ग पूर्ण रूपमा अवरुद्ध भएको हो ।
सडक अवरुद्ध भएपछि राजमार्ग भएर आवतजावत गर्ने सवारीसाधन बीच बाटोमै रोकिएका छन् । पहिरो हटाएर सडक सञ्चालनमा ल्याउन बिहान ३ बजेदेखि नै डोजरसहित सफाइ कार्य भइरहेको छ ।
यसका लागि सडक डिभिजन कार्यालय सुर्खेतसँग आवश्यक समन्वयसमेत भइरहेको सडक डिभिजनले जनाएको छ ।
सडक खुलाउने प्रयास जारी रहे पनि कहिलेसम्म सञ्चालनमा आउने भन्ने यकिन भइसकेको छैन ।
त्यसैले सडक डिभिजनले सर्वसाधारणलाई वर्षायाममा यात्रा गर्दा विशेष सावधानी अपनाउन र मौसम र सडकको अवस्थाबारे जानकारी लिएर मात्र यात्रा गर्न आग्रह गरेको छ ।
साथै सकेसम्म रातिको समयमा यात्रा नगर्न आग्रह गरेको छ ।
© 2026 All right reserved to onlinenepal.com
Design & Developed By
