Jul 15 2026 | २०८३, आषाढ ३१ गते
15 Jul 2026 | बुधवार, आषाढ ३१ गते २०८३
बुधवार, आषाढ ३१ गते २०८३
Jul 15 2026 | २०८३, आषाढ ३१ गते
15 Jul 2026 | बुधवार, आषाढ ३१ गते २०८३
बुधवार , आषाढ ३१, २०८३
काठमाडौं । राष्ट्रिय स्वतन्त्र पार्टी (रास्वपा) का नेता मनिष झाले विभिन्न सञ्चारगृह तथा राजनीतिक नेताहरूको निवासअगाडि शंकास्पद रूपमा सवारीसाधन पार्किङ गरी अवरोध सिर्जना गरिएको घटनाप्रति आपत्ति जनाएका छन् ।
सामाजिक सञ्जाल फेसबुकमार्फत धारणा सार्वजनिक गर्दै झाले सोमबार प्रमुख प्रतिपक्षी दलका नेताको निवास तथा विभिन्न सञ्चारगृहका गेटअगाडि शंकास्पद रूपमा गाडी पार्किङ गरिएको घटनाले नागरिकमा त्रास सिर्जना गरेको बताएका हुन् ।
उनले राज्यको प्रमुख दायित्व नागरिकलाई सुरक्षा र विश्वासको प्रत्याभूति दिनु भएको उल्लेख गर्दै यस्तो गतिविधिले उल्टै नागरिकलाई आतंकित बनाएको आरोप लगाए ।
'सञ्चारगृह र अन्य स्थानमा गाडी राखेर अवरोध गर्ने काम गलत हो। यसमा जो संलग्न छ, अनुसन्धान र कारबाही हुनुपर्छ। राज्यले नागरिकको चिन्ता निराकरण गर्ने हो, राज्यले आफैँ थप आतंकित बनाउने होइन,' उनले लेखेका छन्।
झाले सरकारको कार्यशैलीमाथि पनि प्रश्न उठाउँदै यस्ता गतिविधिले लोकतान्त्रिक शासन प्रणाली र जनभावनाको अपमान गरेको टिप्पणी गरेका छन्।
“यस्तो बचपना देखाएर राजकाज चल्छ ? के यस्तै स्तरहीन र गलत प्रयोग गर्न जेनजी सहादत भएको हो ? यस किसिमको कामप्रति घोर आपत्ति छ,” उनले सामाजिक सञ्जालमा उल्लेख गरेका छन्।
© 2026 All right reserved to onlinenepal.com
Design & Developed By
