धनगढी । सुदूरपश्चिम प्रदेशमा थप १७ जनामा कारोना संक्रमण पुष्टि भएको छ। सेती प्रादेशिक अस्पताल धनगढीको प्रयोगशालामा ४४९ जनाको स्वाव परिक्षण गरिएकोमा ९ महिला र ८ पुरुष गरी १७ जनामा संक्रमण पुष्टी भएको अस्पतालका सूचना अधिकारी दिलिपकुमार श्रेष्ठले बताए।

उनका अनुसार कैलालीका १६ जना र कञ्चनपुरका १ जनामा आज संक्रमण पुष्टी भएको हो। संक्रमण पुष्टी हुनेमा टिकापुर नगरपालिकाका ७ पुरुष र ५ महिला गरी १२ जना, गोदावरी–११ का दुई महिला र १ पुरुष गरी ३ जना र धनगढी–१२ का एक जना महिलामा रहेका छन् । यसैगरी कञ्चनपुरको भिमदत्त नजगरपालिकाका १ जना महिलामा संक्रमण पुष्टि भएको छ।