काठमाडौं। नेपाल प्रहरीभित्र शुद्धीकरण अभियान अभियान शुरु भएको छ।
गृह मन्त्रालयले घुस काण्डमा मुछिएका नेपाल प्रहरीका दुई प्रहरी उपरीक्षक (एसपी) र एक जना इन्सपेक्टरलाई निलम्बन गरेको छ ।
ट्राफिक कार्यालयमा रहँदा अनियमिता गरेको पुस्टि भएपछि उनीहरुलाई गृह मन्त्रालयले निलम्बन गरेको हो ।
प्रहरी प्रधान कार्यालयको सिफारिसमा एसपीद्वय विमल बस्नेत र रामेश्वर प्रसाद यादव तथा इन्सपेक्टर मेघराज चौरसियालाईगृहले निलम्बन गरेको प्रहरी प्रवक्ता एसएसपी बसन्तबहादुर कुँवरले बताए ।
निलम्बन गरेर उनीहरुमाथि विभागीय कारबाही गर्न लागिएको छ । आफु मातहतकै प्रहरी कार्यालयहरुबाट मासिक रुपमा पैसा उठाएको पुष्टि भएपछि प्रहरी प्रधान कार्यालयले कारबाही प्रक्रिया अघि बढाएको थियो ।
Leave a Reply