काठमाडौं । दरबारमार्गस्थित लाउन्जबारमा जुवा खेल्ने दुई महिलासहित ८ जनालाई प्रहरीले पक्राउ गरेको छ ।
पक्राउ पर्नेमा लाउन्जका शेयरधनी प्रकाश लामा, अजय लामा, सुमन घिमिरे, कल्याण कार्की, सूर्य लामा, कमल ज्ञवाली, रञ्जना ढकाल र ओममाया गुरुङ रहेका छन् ।
जयनेपाल हलसँगै रहेको वानवेक लाउन्जबारबाट उनीहरूलाई महानगरीय प्रहरी वृत दरबारमार्गबाट खटिएको टोलीले पक्राउ गरेको हो ।
जुवाखालबाट ५ लाख १८ हजार बरामद गरिएको महानगरीय प्रहरी वृत दरबारमार्गका डिएसपी रामेश्वर पौडेलले बताए । उनीहरुलाई जुवा मुद्दामा अनुसन्धान गर्ने प्रहरीको तयारी छ ।
Leave a Reply