काठमाडौं । अबैध रुपमा मेक्सीको हुँदै अमेरिका प्रवेश गर्न खोजेका १२६ जना आप्रवासीलाई ग्वाटेमाला प्रहरीले उद्दार गरेको छ । सडकछेउको कन्टेनरबाट नेपालीसहित १२६ जना आप्रवासीहरुलाई प्रहरीले उद्दार गरेको अन्तर्राष्ट्रिय सञ्चारमाध्यम बीबीसीले जनाएको छ ।
ग्वाटेमालाको नुएभा कन्सेप्सन र कोकालेस सहरको बीच क्षेत्रमा उनीहरु भेटिएका थिए । ट्रेलरभित्र उनीहरु चिच्याएको आवाज सुनेपछि प्रहरीले उद्दार गरेको समाचारमा उल्लेख छ ।
अधिकारीहरुका अनुसार उनीहरुलाई मेक्सिको हुँदै अमेरिका लैजाने भनेर एजेन्टहरुले बाटोमै छाडिदिएका थिए । उक्त समूहमा अधिकांश संकटग्रस्त मुलुक हैटीका नागरिक थिए । साथै नेपाल र घानाका नागरिक पनि अवैध बाटो हुँदै अमेरिका प्रयासमा रहेको बुझिएको छ ।
तर समूहमा कति नेपाली नागरिक कति छन् भन्ने यकिन छैन । प्रहरी अधिकारीले आफूहरुले कन्टेनरभित्र कराइरहेको सुनेको र ढोका खोल्दा १२६ जना कागजात नभएका मानिस भेटिएको प्रतिक्रिया दिएका छन् ।
अधिकारीहरुका अनुसार आप्रवासीहरुलाई सेल्टरमा राख्नुअघि उनीहरु सबैको प्राथमिक उपचार समेत गरिएको छ ।
Leave a Reply