काठमाडौं । पछिल्लो २४ घण्टामा थप ७०८ जनामा कोरोना भाइरस संक्रमण पुष्टि भएको छ भने ९३२ जना निको भएका छन् ।
स्वास्थ्य तथा जनसंख्या मन्त्रालयका अनुसार शुक्रबार ७ हजार २५३ पीसीआर परीक्षणमा ५७४ र २ हजार १२३ एन्टिजेन परीक्षणमा १३४ जना गरी ७०८ जनामा संक्रमण पुष्टि भएको हो ।
मन्त्रालयका अनुसार सोही समयमा ११ जनाको मृत्यु भएको छ । हालसम्म नेपालमा कोरोनबाट ज्यान गुमाउनेको संख्या ११ हजार ३३७ पुगेको छ।
यस्तै, हाल देशभर १० हजार ९४६ जना सक्रिय संक्रमित रहेका छन्।
यसअघि हिजो बिहीबार ५४५ जनामा संक्रमण पुष्टि हुँदा ७२६ जना डिस्चार्ज भएका थिए ।
Leave a Reply