काठमाडौं । सडक बोर्ड नेपालले कार्यकारी निर्देशकका लागि दरखास्त आह्वान गरेको छ ।

कार्यकारी निर्देशकको नियुक्तिका लागि बोर्डले आवेदन आह्वान गरेको हो ।

बोर्डले बिहीबार सार्वजनिक सूचना जारी गरी हाइवे इन्जिनियरिङ वा व्यवस्थापनमा स्नातकोत्तर हासिल गरी कम्तिमा १० वर्षे अनुभव रहेका व्यक्तिलाई १५ दिनभित्र दरखास्त दिन आह्वान गरेको हो ।

सडक बोर्ड ऐन, २०५८ को दफा २१ वमोजिम सडक बोर्ड नेपालको कार्यकारी निर्देशकको रिक्त पदमा खुला प्रतिस्पर्धाद्वारा नियुक्तिका लागि योग्यता पुगेका व्यक्तिले आवेदन दिन सक्नेछन् ।