काठमाडौं । सरकारले बुढीगण्डकी जलाशययुक्त जलविद्युत् आयोजना सरकारले आफै बनाउने भएको छ ।
बिहीबार बालुवाटारमा बसेको मन्त्रिपरिषद् बैठकले बुढीगण्डकीबाट चिनियाँ कम्पनी चाईना गेजुवा ग्रुप कम्पनी लिमिटेड (गेजुवा) लाई निकाल्ने निर्णय गरेको हो । अब उक्त आयोजना सरकारले आफै बनाउने भएको हो ।
ऊर्जा, जलस्रोत तथा सिँचाई मन्त्रालयले नेपाल विद्युत् प्राधिकरणको सहायक कम्पनी एनईए इन्जिनियरिङ कम्पनीमार्फत बुढीगण्डकीको लागत अनुमान पुनरावलोकन गर्न भनेको थियो । एनईए इन्जिनियरिङ कम्पनीले लागत पुनरावलोकन प्रतिवेदन भने बुझाइसकेको छैन ।
यसअघि शेरबहादुर देउवा नेतृत्वको सरकारले २०७४ सालमा पनि बुढीगण्डकीबाट गेजुवालाई निकालेको थियो । तर पछि केपी शर्मा ओली नेतृत्वको सरकारले फेरि आयोजना गेजुवालाई नै दिने निर्णय गरेको थियो ।
Leave a Reply