काठमाडौं । बलिउडकी चर्चित अभिनेत्री मलाइका अरोरा काठमाडौं आइपुगेकी छन्।

नेपाल रत्न तथा आभूषण संघले होटल याक एण्ड यति दरबारमार्ग आयोजना गर्न लागेको ज्वेलरी एक्स्पोमा भाग लिनका लागि उनी काठमाडौं आइपुगेकी हुन् ।

नेपाल आउन पाउँदा आफूलाई खुसी लागेको उनले बताइन्। आफू छोटो अवधिका लागि नेपाल आए पनि भरपुर रूपमा समयको सदुपयोग गर्ने उनले बताइन्।

ज्वेलरी फेसन शोमा मलाइका नेपाली पोशाक र गरगहनाका साथ र्‍याम्पमा उत्रिने संघले जनाएको छ।

एक्स्पोको उद्घाटन भने भोलि शुक्रबार होटल याक एन्ड यतिमा १२:३० मा हुने तय भएको संघले जनाएको छ। एक्स्पो बिहान १० देखि साँझ ७ बजेसम्म चल्नेछ। पुस २९ देखि १ माघसम्म एक्स्पो हुनेछ।