तनहुँ । राष्ट्रिय स्वतन्त्र पार्टी (रास्वपा) का सभापति रवि लामिछानेले देशमा इमान्दार नेताहरु नहुँदा देशको ढुकुटी रित्तिएको टिप्पणी गरेका छन् ।

तनहुँको सदरमुकाम दमौलीमा आयोजित सभामा आइतबार लामिछानेले यस्तो टिप्पणी गरेका हुन् । उनले देशमा अथाह आर्थिक सम्भावना भए पनि इमान्दार नेतृत्व नहुँदा देशले प्रगति गर्न नसकेको बताए ।

‘कुनै पनि कालखण्डमा भएका भ्रष्टाचारलाई लुकाउनु हुँदैन’, उनले भने,’छानबिन गर्ने र इमान्दार भएर काम गरे रित्तिएको ढुकुटी भर्न सकिन्छ ।’

आफ्नो पार्टीले भ्रष्टाचारीलाई महल बनाउन नदिने उनको भनाई छ ।