काठमाडौं । नक्कली भुटानी शरणार्थी प्रकरणको मुद्दाका अभियुक्त, भुटानी शरणार्थी नेता टेकनाथ रिजाल थुनामुक्त भएका छन् ।

उच्च अदालत पाटनको आदेशानुसार काठमाडौं जिल्ला अदालतमा धरौटी बुझाएका रिजाल बुधबार थुनामुक्त भएका हुन् ।

उच्च अदालतको आदेशानुसार रिजालको परिवारले आइतबार नै काठमाडौं जिल्ला अदालतमा १५ लाख रुपैयाँ धरौटी बुझाएको थियो ।

नक्कली भुटानी शरणार्थी प्रकरणमा अनुसन्धान गरिरहेको अख्तियार दुरुपयोग अनुसन्धान आयोग र सम्पत्ती शुद्धीकरण विभागमा पनि बयान दिएपछि रिजाल बुधबार रिहा भएका हुन् ।

उनलाई उच्च अदालत पाटनले १५ लाख धरौटीमा छाड्न आदेश दिएको थियो । तर धरौटी रकम बुझाउन नसक्दा उनी सुन्धारा कारागारमा रहेका थिए ।