एजेन्सी । इंग्लिस प्रिमियर लिग फुटबलमा म्यानचेस्टर युनाइटेड फेरि पराजित भएको छ । शनिवारको राति भएको खेलमा युनाइटेड तुलनात्मक कमजोर टोली नटिङ्घम फरेस्टसँग २–१ ले पराजित भएको‌ हो ।

खेलमा ६४ औं मिनेटमा निकोलस डोमिनगेजको गोलमा घरेलु टोली नटिङ्घमले अग्रता लिएको थियो । तर ७८ औं मिनेटमा मार्कुस रासफोर्डले बराबरी गोल फर्काएका थिए ।

यद्यपि मोर्गन गिब्स ह्वाइटले ८२ औं मिनेटमा गोल गर्दै नटिङ्घमलाई विजयी बनाए । जारी लिगको युनाइटेडको यो पछिल्ला पाँचौ खेलमा तेस्रो हार हो । युनाइटेड प्रिमियर लिगको सर्वाधिक सफल क्लब हो ।

नटिङ्घमले २० खेलमा २० अंक बनाएको छ । यस जीतले उ १५औं स्थानमा उक्लिएको छ । समान खेलमा ३१ अंक रहेको युनाइटेड लिगमा सातौं स्थानमा छ ।