काठमाडौं । मोटरसाइकल चोरीमा संलग्न दुईजना पक्राउ परेका छन् ।
मंगलबार काठमाडौँकोबाट ट्राफिक प्रहरीले मोटरसाइकल चोरीको आरोपमा काभ्रेपलाञ्चोकको भुम्लु गाउँपालिका–५ का २४ वर्षीय सुरेश विश्वकर्मा र तेमाल गाउँपालिका–६ का ३० वर्षीय जितेन्द्र तामाङलाई पक्राउ गरेको हो ।
काठमाडौं उपत्यका ट्राफिक प्रहरी कार्यालयमा वाग्मती प्रदेश ०२–०४१ प ००८६ नम्बरको मोटरसाइकल काठमाडौंको टोखाबाट हराएको निवेदन परेको थियो ।
ट्राफिक प्रहरीले वास्तविक नम्बर परिवर्तन गरी प्रदेश २–०३–००८ प ४२ ४८ नम्बर राखेर चलाइरहेको अवस्थामा सुरेशलाई काठमाडौं महानगरपालिका–१६ स्थित पुरानो गंगाहल नजिकैबाट नियन्त्रणमा लिएको जनाएको छ ।
अनुसन्धान गर्ने क्रममा उक्त मोटरसाइकल जितेन्द्रमार्फत विश्वकर्माले खरिद गरेको खुलेपछि आएपछि तामाङलाई पनि काठमाडौंको थापाथलीबाट नियन्त्रणमा लिएको हो ।
नियन्त्रणमा आएका दुवै जनालाई थप अनुसन्धान तथा कारबाहीका लागि प्रहरी वृत्त महाराजगंज पठाइएको छ ।
Leave a Reply