अछाम । अछामको साँफेबगर नगरपालिकालाई टुक्र्याउने सम्बन्धी प्रस्ताव पारित भएको छ ।

नगरपालिकाका ६ वटा वडाहरूले छुट्टै पालिकाको माग गर्दै पेश गरेको प्रस्ताव सर्वसम्मतले पारित भएको हो ।

नगरपालिकाका विकट वडाहरू ९,१०,११,१२,१३ र १४ लाई समेटेर छुट्टै पालिका बनाउने प्रस्ताव नगर सभाको १२ औँ अधिवेशनले पारित गरेको बताइएको छ ।

६ वडा अध्यक्षसहित २४ जना नगरसभा सदस्यहरूले हस्ताक्षर गरेको प्रस्ताव नगरसभामा पेश भएको थियो ।

नगर प्रमुख राजेन्द्रबहादुर कुँवरले सर्वसम्मत पारित गरिएको प्रस्ताव प्रदेशमा पठाउने जानकारी दिए ।