काठमाडौं । नेपाल प्रहरीको केन्द्रीय अनुसन्धान ब्यूरो (सीआईबी)ले राजस्व चुहावट मुद्दाका दुई फरार प्रतिवादीलाई पक्राउ गरेको छ ।
पक्राउ पर्नेमा धादिङको बेनिघाट रोराङ गाउँपालिका–५ का कुमारी गुरुङ र पर्साको वीरगन्ज महानगरपालिका–८ का प्रदीपकुमार गुप्ता रहेका छन् ।
पक्राउ परेकी गुरुङ न्यु समीक्षा सप्लायर्सको प्रोप्राइटर र गुप्ता समीक्षा सप्लायर्सका बैंक खाता सञ्चालक रहेको सीआईबीले जनाएको छ ।
बैंकिङ कसुर मुद्दामा उच्च अदालत पाटनले उनीहरूलाई एक वर्ष कैद सजाय र जनही १२ करोड १० लाख ३६ हजार ५३० रुपैयाँ जरिवाना तोकेको छ ।
उनीहरूले एकापसमा मिलोमतो गरी मालवस्तु खरिद–बिक्री नगरी नक्कली कर बिजक बनाएर आम्दानीमा कानुनबमोजिम तिर्नुपर्ने आयकर रकम समेत नतिरी राजस्व चुहावट गरेको खुलेको थियो ।
दुवैजनालाई सीआईबीको टोलीले चितवनबाट पक्राउ गरेको हो ।
Leave a Reply