काठमाडौं । काठमाडौंका केही क्षेत्रमा आज पनि विद्युत आपूर्ति सेवा बन्द हुने भएको छ ।

नेपाल विद्युत प्राधिकरणका अनुसार लाजिम्पाटको एभरेष्ट बैंकदेखि राष्ट्रपति भवन, टुँडालदेवीको क्षेत्रमा विद्युत आपूर्ति बन्द हुन लागेको हो ।

विद्युत प्राधिकरण, महाराजगञ्ज वितरण केन्द्र अन्तर्गतको विद्युतीय लाइन भूमिगत गर्ने कामका लागि आज ४ घण्टा विद्युत आपूर्ति बन्द गर्न लागिएको हो ।

यो क्षेत्रमा बिहान १० बजेदेखि दिउँसो २ बजेसम्म विद्युत सेवा अवरुद्ध हुनेछ ।